Dekabrın 3-dən başlayaraq Daşkəsən ərazisinə qarın yağması davam edir. Rayonun ucqar dağ kəndlərində qarın hündürlüyü 25-30 santimetrə, rayon mərkəzində isə 15-20 santimetrə çatıb.
YeniAvropa xəbər verir ki, bu barədə Daşkəsən rayon İcra Hakimiyyətinin Fövqəladə Hallar Komissiyasının sədr müavini Elmar Əliyev məlumat verib.
O bildirib ki, “31 saylı Yol İstismarı” İdarəsi mütəmadi olaraq yollarda yaranmış çətinlikləri aradan qaldırır, qabaqlayıcı tədbirlər görür. Rayonda elektrik enerjisinin, qazın, rabitənin və içməli suyun verilişində fasilə yaranmayıb.