Avqustun 26-da UEFA Avropa Liqasının qrup mərhələsinin püşkü atılıb.
YeniAvropa xəbər verir ki, İstanbulda təşkil olunan mərasimdə 8 qrupun tərkibi dəqiqləşib.
Azərbaycan çempionu “Qarabağ” klubu püşk nəticəsində G qrupunda yer alıb. Təmsilçimiz Yunanıstanın “Olimpiakos”, Almaniyanın “Frayburq” və Fransanın “Nant” klubları ilə mübarizə aparacaq.
Püşkün nəticələrinə əsasən, digər qrupların tərkibi aşağıdakı kimidir:
A qrupu: "Arsenal" (İngiltərə), PSV, (Niderland), "Budö Qlimt" (Norveç), "Sürix" (İsveçrə)
B qrupu: "Dinamo" (Kiyev, Ukrayna), "Renn" (Fransa), "Fənərbağça" (Türkiyə), AEK (Larnaka, Kipr)
C qrupu: "Roma" (İtaliya), "Lüdoqorets" (Bolqarıstan), "Betis" (İspaniya), HİK (Finlandiya)
D qrupu: "Braqa" (Portuqaliya), "Malmö" (İsveç), "Yunion" (Berlin, Almaniya), "Yunion" (Belçika)
E qrupu: "Mançester Yunayted" (İngiltərə), "Real Sosyedad" (İspaniya), "Şerif" (Moldova), "Omoniya" (Kipr)
F qrupu: "Latsio" (İtaliya), "Feyenoord" (Niderland), "Midtüllan" (Danimarka), "Şturm" (Avstriya)
G qrupu: "Olimpiakos" (Yunanıstan), "Qarabağ" (Azərbaycan), "Frayburq" (Almaniya), "Nant" (Fransa)
H qrupu: "Srvena Zvezda" (Serbiya), "Monako" (Fransa), "Ferentsvaroş" (Macarıstan), "Trabzonspor" (Türkiyə).
Qeyd edək ki, qrup mərhələsi altı turdan ibarət olacaq. Həmin oyunlar sentyabrın 8-də, 15-də, oktyabrın 6-da, 13-də, 27-də və noyabrın 3-də keçiriləcək.
3724
3724
