2022-ci il "Formula 1" Azərbaycan Qran Prisi ilə əlaqədar olaraq, yollardakı vəziyyəti nizamlayan polis nəfərləri sürücülərə istiqamət verirsə, onların əks zolaqla hərəkəti qayda pozuntusu hesab edilmir.
YeniAvropa xəbər verir ki, bunu Bakı şəhər Dövlət Yol Polisi(DYP) İdarəsinin baş inspektoru polis mayoru Araz Əsgərli deyib.
DYP rəsmisi yollardakı vəziyyətlə bağlı vətəndaşlara bir daha çağırış edib:
“Məlumat üçün vətəndaşların, nəqliyyat vasitələrinin sahiblərinin diqqətinə çatdırmaq istəyirik ki, "Formula 1" ilə əlaqədar bir sıra küçə və prospektlərdə hərəkətin məhdudlaşdırılması və istiqamətlərin dəyişdirilməsi ilə bağlı Yol Patrul Xidməti əməkdaşları gücləndirilmiş qaydada bütün yol ayrıclarında hərəkətin nizamlanması ilə bağlı sürücülərə müxtəlif formalarda, vəziyyətə uyğun olaraq, hərəkət istiqamətlərinin dəyişdirilməsi ilə bağlı göstərişlər verə bilərlər.
Sürücülər unutmamalıdırlar ki, nizamlayıcı qismində verilən bütün göstərişlər icra olunmalıdır və bu hərəkət baxımından üstün hesab olunur. Xüsusi texniki vasitələrlə, müşahidə kameraları ilə bu cür hallarda sürücülərə cərimə tətbiq olunmur".
"Bir daha qeyd etmək istəyirəm ki, Yol Patrul Xidməti əməkdaşlarının nizamlayıcı qismində verdiyi bütün göstərişlər üstün hesab edilir", - A.Əsgərli vurğulayıb.
1764
1764
