Səudiyyə Ərəbistanının Ciddə şəhərində Azərbaycanın bu ölkədəki səfiri Şahin Abdullayev və İslam İnkişaf Bankının prezidenti Məhəmməd Əl-Casir arasında görüş keçirilib.
YeniAvropa xəbər verir ki, görüşdə bu mötəbər maliyyə qurumu ilə əməkdaşlığın perspektivləri müzakirə olunub.
Məhəmməd Əl-Casir rəhbərlik etdiyi İslam İnkişaf Bankının Azərbaycanla bağlı yeni layihələrindən bəhs edib və bu maliyyə qurumunun ölkəmizə dəstəyinin gələcəkdə də davam edəcəyini vurğulayıb.
Səfir Şahin Abdullayev Azərbaycanın İslam İnkişaf Bankı ilə əməkdaşlığa böyük əhəmiyyət verdiyini diqqətə çatdırıb, hazırda ölkəmizdə davam edən iqtisadi tərəqqi, həmçinin işğaldan azad olunmuş ərazilərdə aparılan bərpa-quruculuq işləri barədə məlumat verib.
2954
2954
