Martın 4-də Bakıda və Abşeron yarımadasında gün ərzində arabir yağış yağacağı gözlənilir. Martın 4-də cənub-qərb küləyinin şimal-qərb küləyi ilə əvəzlənəcəyi, sürətinin saniyədə 15-20 metr olacağı, arabir 23-28 metrədək güclənəcəyi, martın 5-də yenidən güclü cənub-qərb küləyi ilə əvəzlənəcəyi proqnozlaşdırılır.
YeniAvropa xəbər verir ki, bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.
Martın 3-dən 4-nə keçən gecə şimal və qərb rayonlarından başlayaraq ölkə ərazisində hava şəraitinin dəyişəcəyi, şimşək çaxacağı, yağıntılı olacağı, martın 4-də bəzi yerlərdə intensivləşəcəyi, dağlıq və dağətəyi rayonlarda qar yağacağı, martın 5-də yağıntının tədricən kəsiləcəyi ehtimal edilir. Qərb küləyi əsəcək, sürəti arabir 15-20 metr/saniyə olacaq, bəzi yerlərdə arabir 25-30 metr/saniyəyədək güclənəcək. Havanın temperaturu ötən günlərlə müqayisədə 5-8° enəcək.
Əsasən Böyük və Kiçik Qafqazın bəzi dağ çaylarında sululuğun artacağı gözlənilir.
1911
1911
