Lənkəran şəhərində yeni "Bakcell" mağazası açıldı

"Bakcell" Lənkəran şəhərində yenilənmiş konsept mağazasını istifadəyə verib.

YeniAvropa xəbər verir ki, müştərilərin rahatlığını təmin etmək məqsədilə yeni dükan özündə müştəri xidməti, eyni zamanda nömrə və aksessuar satışı funksiyasını birləşdirərək “hər şey bir arada” innovativ konsepsiyası əsasında qurulub.

Lənkəran şəhəri, Həzi Aslanov xiyabanı 26(Lənkəran Dövlət Universiteti ilə üzbəüz) ünvanında yerləşən yeni mağazanın qurulmasıda müştəriyönümlü yanaşmadan istifadə edilib.

“Əminəm ki, bu konsept mağazadaLənkəranda yaşayan bütünmüştərilərimizə daha üstün keyfiyyətli xidmət göstərəcəyik, çünki bütün yeni açılan mərkəzlərimizdə olduğu kimi, burada da bütün xidmət prosesi “hər şeyin mərkəzində müştəri dayanır” yanaşması üzərində qurulub.Xidmətlərimizi Azərbaycanın bütün regionlarında yaşayan abunəçilərimiz üçün daha əlçatan etmək məqsədilə biz ölkənin müxtəlif şəhər və rayonlarında yeni konsept mağazaların qurulmasını davam etdirəcəyik”,- deyə "Bakcell" şirkətinin baş icraçı direktoru Rainer Rathgeber bildirib.

Qeyd edək ki, "Bakcell" şirkəti bu ilin sonunadək bir neçə yeni mağazanın açılışını planlaşdırıb.

Xatırladaq ki, 2021-ci ildə "Bakcell" şəbəkəsi növbəti dəfə "Ookla®" tərəfindən "Azərbaycanın ən sürətli mobil şəbəkəsi" adına layiq görülüb.

Bu gün "Bakcell" şəbəkəsi 9 minə yaxın baza stansiya sayəsində Azərbaycan əhalisinin 99.9%-ni, ölkə ərazisinin isə 92.6%-ni əhatə edir.