Fevralın 9-da İkinci Qarabağ müharibəsinin iştirakçısı Həsənov Sərdar Goranboy rayon İcra Hakimiyyətinin qarşısında intihara cəhd edib.
YeniAvropa xəbər verir ki, o, öz üzərinə benzin tökərək yandırıb.
Sərdar Həsənov Goranboy rayon xəstəxanasına yerləşdirilib.
O, problemlərin həll edilmədiyindən bu addımın atdığını bildirib. "Suyumuzu, işığımızı, qazımızı çəkmirlər. Deyirlər, bizlik deyil. Kimə müraciət edək? 8 aydır sürünmüşəm onların dalınca".
Daxili İşlər Nazirliyindən "Turan"a bildirilib ki, fevralın 9-u saat 16 radələrində Goranboy şəhər sakini Sərdar Həsənov Rayon İcra Hakimiyyətinin qarşısında üzərinə yanacaq tökərək özünü yandırmağa cəhd göstərib. "Polis əməkdaşlarının çevikliyi sayəsində onun bu cəhdinin qarşısı alınıb, lakin bu zaman iki polis əməkdaşı yüngül dərəcəli yanıq xəsarətləri alıblar. Həsənov xəstəxanaya yerləşdirilib, vəziyyəti qənaətbəxşdir. Polis əməkdaşlarına xəstəxanada ilkin tibbi yardım göstərilib.Araşdırma aparılır".
Məsələ ilə bağlı Goranboy rayon İcra Hakimiyyətindən münasibət öyrənmək mümkün olmayıb.
2772
2772
