Rusiyanın "Smartavia" aviaşirkəti Azərbaycan paytaxtına birbaşa müntəzəm reysləri bərpa edir.
YeniAvropa aviadaşıyıcının mətbuat xidmətinə istinadla xəbər verir ki, Sankt-Peterburq-Bakı və Bakı-Sankt-Peterburq reysləri 2022-ci il martın 5-dən başlayaraq hər həftənin şənbə günləri yerinə yetiriləcək. Aviabiletlər artıq satışdadır.
Təyyarə yerli vaxtla saat 16:30-da Pulkovodan uçacaq və 21:15-də Bakıya çatacaq. Geri reys isə həmin axsaat 22:15-də başlanacaq və saat qurşaqlarındakı fərq nəzərə alınmaqla 01:15-də Sankt-Peterburqa çatacaq.
Smartavia reyslərinə biletləri aviaşirkətin saytında və bütün satış ofislərində almaq olar. Reyslər barədə dəqiq məlumat almaq, biletləri bronlamaq və almaq üçün Smartavia çağrı mərkəzinin +7495-970-00-55 nömrəli telefonundan da istifadə etmək olar.
Smartavia şirkətinin məlumatında deyilir: “Adi günlərinizə dost Bakıda rəng qatmağınızı təklif edirik. Mart ayında Bakıda əsl bahar başlanır. Əlverişli temperatur şəraiti maraqlı piyada gəzintilər üçün çox münasibdir. Bakıda baxılmalı yerlər isə çoxdur. Alov qüllələrini, Bakı Kristal Hall salonunu, teleqüllənin günbəzini, Heydər Əliyev Muzey-Mərkəzinin qeyri-adi formalarını görmək istəyirsinizsə, Bakıya gəlin”.
2513
2513
