Qax rayonunun Qaxbaş kənd sakini 57 yaşlı Abdulla Abdullayev yanvarın 24-də yaşadığı ünvandan çıxaraq geri qayıtmayıb.
Daxili İşlər Nazirliyinin (DİN) mətbuat xidmətinin Şəki regional qrupundan YeniAvropa-ya verilən məlumata görə, onun əlamətləri belədir: boyu 155 santimetr, arıq bədən quruluşlu, saçlarının rəngi sarımtıl, gözləri qəhvəyidir. Evdən çıxarkən üzərində qara rəngli şalvar, gödəkcə və ayaqqabı olub.
Həmin şəxsi görənlərdən və ya barəsində məlumatı olanlardan DİN-in 102 - Zəng Mərkəzinə, həmçinin Qax Rayon Polis Şöbəsinin (024) 255-23-52 şəhər və (077) 304-54-44 mobil nömrələrinə zəng edərək məlumat vermələri xahiş olunur.
1694
1694
