Bakı-Şuşa-Bakı müntəzəm avtobus marşrutu üzrə reyslər davam edir.
YeniAvropa xəbər verir ki, bu gün saat 06-30-da daha bir avtobus Bakı Beynəlxalq və Şəhərlərarası Avtovağzal Kompleksindən Şuşa istiqamətinə hərəkət edib.
Qeyd edək ki, hazırda Şuşaya iki istiqamətdən - Bakı və Əhmədbəylidən avtobuslar hərəkət edir. Füzuli Beynəlxalq Hava Limanı-Şuşa avtobus marşrutunun fəaliyyəti isə təyyarə aviareysləri ilə uzlaşdırılacaq.
Xatırladaq ki, Bakı-Şuşa-Bakı avtobus reysi həftədə iki dəfə həyata keçirilir və Bakıdan Şuşaya biletin qiyməti 10 manat 40 qəpikdir.
5614
5614
