Ləğv prosesində olan “Standard Insurance” sığorta şirkətinin ləğvetmə komissiyası tərəfindən şirkətə məxsus rekonstruksiya işlərindən sonra birləşdirilmiş 4 mənzil onların ümumilikdə satış qiyməti olan 1 milyon 150 min manatdan 10 faiz aşağı olmaqla, yəni 1 milyon 35 min manata təkrar açıq hərraca çıxarılacaq.
Şirkətin ləğvetmə komissiyasından YeniAvropa-ya bildirilib ki, hərrac “Əmlak Hərrac Mərkəzi” MMC tərəfindən dekabrın 8-i saat 11:00-da (növbəlilik qaydasında) Bakı şəhəri, Yasamal rayonu M.Rahim 4A ünvanında keçiriləcək. Hərracda iştirak üçün satış qiymətinin 1 faizi, yəni 10 min 350 manat məbləğində beh ödənilməlidir.
Hərracla bağlı daha ətraflı məlumatları https://birjanews.az/herrac-elanlar/75 linkdən əldə etmək mümkündür.
Ləğvetmə komissiyası, həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcək və bu barədə ictimaiyyətə əvvəlcədən məlumat veriləcək. Xatırladaq ki, əmlak ilkin olaraq 2 milyon manata satışa çıxarılmışdı.
2926
2926
