Stavrapolun qubernatyoru intiharın  qarşısını aldığı üçün “Odlar Yurdu”nun rəhbərinə təşəkkür edib

Dekabrın 1-də Rusiya vətəndaşı olan, Stavrapol diyarının Novaleksandrovski rayonun sakini , 57 yaşlı  Nazim Qasım oğlu Qasımov Səhiyyə Nazirliyinin inzibatı binası qarşısında etiraz aksiyası keçirib. O, əllərində plakatlar tutaraq, Nazirlikdən təcili ona əlillik dərəcəsi müəyyən edilməsini tələb edib. Əks təqdirdə binanın qarşısında özünü öldürəcəyini bəyan edib. 

 YeniAvropa xəbər verir ki, bu barədə Stavrapolda faliyət göstərən Azərbaycan milli mədəniyyət mərkəzi “Odlar Yurdu” diaspora təşkilatından redaksiyamıza daxil olan məlumatda bildirilib. 

Hadisə yerinə diyarın rəsmiləri, qubernatorun şəxsi nümayəndəsi, hüquq mühafizə orqanlarının əməkdaşları cəlb edilib. Lakin soydaşımız Nazim Qasımov tələbindən geri çəkilməyərək, onları yaxına buraxmayıb, probleminin bu gün həll edilməyəcəyi təqdirdə özünü öldürməklə onları təhdid edib. 

Məsələnin ciddiliyini görən Stavropol diyarının qubernatoru Vladimir Vladimirov  “Odlar Yurdu” diaspora təşkilatının prezidenti Fəxrəddin Yarıyevlə əlaqə saxlayıb,ondan məsələnin həllində kömək istəyib.

Hadisə yerinə gələn Fəxrəddin Yarıyev Nazim Qasımovla söhbət edib, onun probleminin həllinə köməklik göstərəcəyinə söz verib, soydaşımızı intihar etmək fikrindən daşındırıb. Sonra Nazim Qasımov Azərbaycan milli mədəniyyət mərkəzinə gətirilib. Onun bütün ehtiyaclarını tə’min edərək, razı şəkildə öz rayonuna yola salınıb.

"Harda oluruqsa olaq, biz ilk növbədə Azərbaycanımızın adını uca tutmağa çalışmalıyıq. "Odlar Yurdu" Azərbaycan milli mədəniyyət mərkəzi olaraq daim bu amal uğrunda fəaliyyət göstərmişik. Gördüyümüz işlərlə Azərbaycanımızın adını yalnız müsbət rəylər qazandırmışıq. Ali Baş Komandan, Prezidentimiz İlham Əliyev cənablarının ölkəmizin inkişafı, daha da qüdrətlənməsi istiqamətində gördüyü işlərə daim dəstək vermişik. Vətəndən uzaqda olsaq da,qəlbimiz daim Azərbaycanla döyünür. Bir an olsun belə, özümüzü Vətəndən ayrı hiss etmirik.  Ötən gün 14 hərbçimizin vida mərasimini göz yaşları ilə izlədik. Allah şəhidlərimizə rəhmət eləsin.  Ardınca belə bir xəbərin gəlməsi bizi təsirləndirdi. Odur ki, dərhal  məsələnin həllinə çalışdıq  ki, Azərbaycanımızın adına hər hansı bir söz gəlməsin",-deyə Fəxrəddin Yarıyev əməkdaşımızla söhbətdə vurğulayıb. 

Qeyd edək ki, məsələni operativ şəkildə həll etdiyinə görə, Stavropol diyarının qubernatoru Vladimir Vladimirov Azərbaycan milli mədəniyyət mərkəzi “Odlar Yurdu” diaspora təşkilatının prezidenti Fəxrəddin Yarıyevə öz təşəkkürünü bildirib.

Elnur