Suraxanı rayonunda yanacaqdoldurma məntəqəsinə saxta əsginas təqdim edən şəxs saxlanılıb.
Daxili İşlər Nazirliyinin mətbuat xidmətindən YeniAvropa-ya bildirilib ki,noyabrın 29-da saat 7 radələrində Suraxanı rayonu Qaraçuxur qəsəbəsi ərazisində yerləşən yanacaqdoldurma məntəqəsində 100 manatlıq saxta əsginas təqdim edən “Mitsubishi” markalı avtomobilin sürücüsü, Bakı şəhər sakini C.Ziyəddinov Baş Mühafizə İdarəsinin əməkdaşları tərəfindən saxlanılıb. Həmin şəxs aidiyyəti üzrə 32-ci polis bölməsinə təhvil verilib.
Faktla bağlı rayon polis idarəsi tərəfindən araşdırma aparılır.
1694
1694
