Yasamal rayon Prokurorluğu rayon sakini 2003-cü il təvəllüdlü Fidan Nəftəliyevanın çoxmərtəbəli yaşayış binasından özünü ataraq intihar etməsi barədə bəzi kütləvi informasiya vasitələrində və sosial media səhifələrində yayılan məlumatlara münasibət bildirib.
Rayon prokurorluğundan YeniAvropa-ya daxil olan məlumatında bildirilib ki, noyabrın 27-si saat 15 radələrində Fidan Nəftəliyevanın yaşadığı binanın 10-cu mərtəbəsindən özünü ataraq intihar etməsi barədə rayon prokurorluğuna məlumat verilib.
Faktla bağlı rayon prokurorluğunda Cinayət Məcəlləsinin 125-ci (özünü öldürmə həddinə çatdırma) və 242-ci (pornoqrafik materialları və ya əşyaları qanunsuz yayma) maddələri ilə cinayət işi başlanıb.
Hazırda iş üzrə istintaq tədbirləri davam etdirilir.
Qeyd edək ki, Fidan Niftəliyeva açıq-saçıq videoları ilə şantaj edilirmiş. Məlumata görə, "18+” kateqoriyasından olan videolar sosial şəbəkələrin birinin qrupunda paylaşılıb.
1638
1638
