Sumqayıt şəhərindəki Şəhidlər xiyabanında qalib Azərbaycan əsgərinin heykəli ucaldılıb.
YeniAvropa xəbər verir ki, Sumqayıt şəhərində 8 Noyabr - Zəfər Günü qeyd olunur. Zəfər Günündə Şəhidlər xiyabanında abidə kompleksinin açılışı keçirilib. Sumqayıt, Qubadlı və Zəngilan Rayon İcra hakimiyyətlərinin rəsmiləri, deputatlar, şəhid valideynləri, eləcə də sakinlər xiyabanda şəhidlərin məzarlarını ziyarət edib, önünə tər qərənfillər düzüblər.
Qeyd edək ki, şəhərdə 1992-ci ildə salınan 510 şəhidin uyuduğu Şəhidlər xiyabanı yenidən qurulub. Xiyabanda əzəmətli Azərbaycan bayrağı hündürlüyü 30 metr olan dirəkdə dalğalanır. Ətrafı mərmərlə üzlənən fəvvarə kompleksi və 3 ədəd buta və ay-ulduz formalı əbədi məşəl kompleksi yaradılıb. Ərazidə yaşıllıq örtüyü salınıb. İşıqlandırma sistemi müasirləşdirilib.
Vətən müharibəsi şəhidlərinin əziz xatirəsinə burada Zəfər ağacı yerləşdirilib.
STP Şirkətlər Qrupu tərəfindən hazırlanan ağacın üzərində Vətən müharibəsi şəhidlərinin hər birinin ad-soyadı, ata adı, doğum tarixi və sonsuzluq işarəsi qeyd olunub.
Qeyd edək ki, Sumqayıt Vətən müharibəsində 112 şəhid verib.
Zəfər Günü münasibətilə şəhərdə Muğam Mərkəzində muğam ifaçılarının iştirakı ilə konsert proqramı keçirilib.
1925
1925
