Qırğızıstan parlamentinə seçkilər 2021-ci il noyabrın 28-nə təyin edilib.
YeniAvropa yerli mətbuata istinadla xəbər verir ki, bununla bağlı Qırğızıstan prezident Sadır Japarov müvafiq fərman imzalayıb.
Fərmana əsasən, noyabrın 28-i yeni çağırış Qırğız Respublikası Joqorku Keneşə deputat seçkisi günü təyin edilib.
Qeyd edək ki, avqustun 27-də ölkədə Seçkilər Haqqında Konstitusiya Qanunu qüvvəyə minib. Qanunda deputat seçkisinin yeni qaydası təsbit edilib. Deputatların sayı 120-dən 90-a endirilib. Onlardan 54-ü proporsional, 36-sı majoritar sistem üzrə seçiləcək. Əvvəlki qaydada ölkənin ali qanunverici orqanı yalnız partiya siyahıları əsasında formalaşdırılırdı.
3276
3276
