İyunun 28-dən Türkiyədən yola düşən,Bakı-Tbilisi-Qars dəmir yolu vasitəsi ilə Çinə mineral su və şokaladın daşındığı 41 ədəd 40 futluq konteyner qatarı bu gün Bakı Limanına çatıb.
YeniAvropa xəbər verir ki, bu barədə “Bakı Beynəlxalq Dəniz Ticarət Limanı” QSC-dən bildirilib.Qeyd edilib ki, səhər saatlarında limana çatan qatardan vaqonların ümumi yük anbarına boşaldılması işi operativ şəkildə yerinə yetirilib.
Bu yüklərin sabah limana yan alması nəzərdə tutulan Qazaxıstana məxsus “Barys” gəmisinə yüklənilməsi planlaşdırılır.
Yüklər Qazaxıstandan da dəmir yolu vasitəsilə Çinə daşınacaq. Orta dəhliz vasitəsilə daşınan bu yüklər ümumilikdə 8 min 693 kilometr yol qət edərək təyinat nöqtəsinə çatacaq.
4781
4781
