Bakıdan Naxçıvana avtobus reysləri bərpa ediləcək.
YeniAvropa xəbər verir ki, bu barədə Dövlət Avtomobil Nəqliyyatı Xidmətindən bildirilib.
Qeyd edilib ki, Naxçıvandan olan sərnişinlərin çoxsaylı müraciətinə əsasən avtobusla səfərlərin bərpası üzrə müvafiq tədbirlər tam gücü ilə davam edir.
Tezliklə muxtar respublikaya müntəzəm avtobus reysləri bərpa ediləcək.
Xatırladaq ki, mövcud Bakı-Naxçıvan-Bakı avtobus reysləri pandemiya səbəbində İranla sərhəd-keçid məntəqələri bağlandığı üçün dayandırılmışdı. Reyslər hər gün Bakı Beynəlxalq Avtovağzal Kompleksindən həyata keçirilirdi. Biletin bir istiqamət üzrə qiyməti 25 AZN təşkil edirdi. Reys üzrə səfər təxminən 10 saat davam edirdi.
3878
3878
