Martın 10-da Bakıda Azərbaycan və Macarıstan hökumətləri arasında iqtisadi əməkdaşlıq üzrə birgə Komissiyanın biznes dairələrinin nümayəndələri ilə işgüzar görüşü keçirilir.
YeniAvropa xəbər verir ki, görüş birgə Komissiyanın Macarıstan tərəfindən həmsədri, bu ölkənin xarici işlər və ticarət naziri Peter Siyartonun ölkəmizə səfəri çərçivəsində baş tutub.
Komissiyanın Azərbaycan tərəfindən həmsədri, əmək və əhalinin sosial müdafiəsi naziri Sahil Babayev iki ölkənin dövlət başçıları tərəfindən qəbul edilmiş “Azərbaycan Respublikası ilə Macarıstan arasında strateji tərəfdaşlıq haqqında Birgə Bəyannamə”nin ölkələrimiz arasında əməkdaşlığın genişlənməsinə imkan yaratdığını bildirib.
Macar şirkətlərinin nümayəndələri ilə gələcək əməkdaşlıq məsələlərinin müzakirə olunduğu görüşdə Azərbaycanın işğaldan azad edilmiş ərazilərində yenidənqurma layihələrinə dair fikir mübadilələri aparılır.
2289
2289
