Bakıda Dövlət Yol Polisinə məxsus xidməti maşınların üzərinə çıxaraq şəkil çəkdirən gənc saxlanılıb.
YeniAvropa xəbər verir ki, bu barədə Bakı şəhər Dövlət Yol Polisi İdarəsi İctimaiyyətlə əlaqələr bölməsinin rəisi, polis polkovniki Vaqif Əsədov jurnalistlərə məlumat verib. Onun sözlərinə görə, həmin şəxsin maşınların üstündə pivə içən zaman çəkilmiş fotoları ilə bağlı araşdırmalar aparılıb.
Məlum olub ki, həmin şəxs Bakı şəhər sakini, 1999-cu il təvəllüdlü Nicat Mustafayevdir.
O, hüquq-mühafizə orqanları tərəfindən saxlanılaraq Nərimanov RPİ-nin 18-ci Polis Şöbəsinə təhvil verilib.
Vaqif Əsədov daha sonra qeyd edib ki, Nicat Mustafayev barəsində qanunvericiliyə uyğun olaraq, tədbirlər görüləcək.
2513
2513
