Biləsuvar şəhər sakini M.Bayramzadə idarə etdiyi avtomobildən külli miqdarda narkotik vasitələr aşkar edilərək götürülüb.
YeniAvropa xəbər verir ki, bu barədə Daxili İşlər Nazirliyinin mətbuat xidmətindən bildirilib. Qeyd edilib ki, Biləsuvar rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində narkotiklərin qanunsuz dövriyyəsində şübhəli bilinən şəhər sakini M.Bayramzadə idarə etdiyi “VAZ-2106” markalı avtomobillə saxlanılıb. Baxış zamanı avtomobildən 19 kiloqram 400 qram heroin, 6 kiloqram 315 qram qurudulmuş marixuana, 4 kiloqam 25 qram psixatrop maddə olan metamfetamin aşkar edilərək götürülüb.
2219
2219
