Milli Hidrometeorologiya Xidmətinin məlumatına əsasən, aprelin 16-sı səhərdən 17-si səhərədək Bakıda və Abşeron yarımadasında şimal-qərb küləyinin əsəcəyi, sürətinin saniyədə 15-20 metr olacağı, arabir 23-25 metr/saniyəyədək güclənəcəyi gözlənilir.
Xidmətdən YeniAvropa-ya bildiriblər ki, Azərbaycanın rayonlarında aprelin 16-sı axşamdan 17-si səhərədək hava şəraitinin qısa müddətə qeyri-sabit keçəcəyi, arabir yağış yağacağı, bəzi yerlərdə intensiv olacağı, dağlıq ərazilərdə qar yağacağı proqnozlaşdırılır. Qərb küləyinin sürəti 15-20 metr/saniyə təşkil edəcək, ayrı-ayrı yerlərdə arabir saniyədə 23-28 metrədək güclənəcək.
Çaylarda sululuğun artacağı istisna olunmur.
2170
2170
