“Oskar”a ən şanslı namizədlər

Fevralın 13-də Los-Ancelesdə 2019-cu ildə kinematoqrafiya sahəsində xidmətlərə görə 92-ci “Oskar” mükafatının qaliblərinin adları açıqlanacaq.  Hələlik isə Martin Skorsezenin “İrlandiyalı”, Sem Menderesin Britaniya və ABŞ istehsalı olan “1917”, cənubi koreyalı rejissor Pon Çjun Honun “Parazitlər” və Kventin Tarantinonun “Bir dəfə... Hollivudda” filmləri “Ən yaxşı film” nominasiyasında “Oskar” mükafatına nominantlar siyahısına düşmək üçün böyük şansa malikdirlər.

YeniAvropa xəbər verir  ki, bu barədə “The Hollywood Reporter” (THR) jurnalı məlumat yayıb.

Nəşrin fikrincə, mafiyaya qoşularaq killer olan sürücü haqqındakı “İrlandiyalı” dramının nominantlar arasına düşmək şansı 99,9 faiz, Birinci Dünya müharibəsində iki əsgərin taleyindən bəhs edən “1917” filminin şansı 99,7 faiz qiymətləndirilir. Təsadüfən varlı ailədə repetitor işləmək imkanı qazanan kasıb oğlan barədə çəkilən “Parazitlər”, həmçinin aktyor və dublyorunun 1960-cı illərin sonlarında Hollivuddakı həyatını əks etdirən “Bir dəfə... Hollivudda” ekran əsərlərinin şansları isə 99,5 faiz təşkil edir.

Amerika Prodüserləri Gildiyasının və Amerika Rejissorları Gildiyasının mükafatına mümkün namizədlər arasında Noa Baumbakın “Nikah tarixçəsi”, Todd Fillipsin “Coker” və Tayka Vaytitinin “Dovşan Coco” filmləri də var. Jurnal hesab edir ki, onların şansları 91,2-94,5 faiz arasındadır.

Xatırladaq ki, “Oskar” mükafatının 92-ci təqdimat mərasimi fevralın 9-da Los-Ancelesdə keçiriləcək. 4 gün sonra isə nominantların adları açıqlanacaq.