Ankarada “Aşıq Veysəl-2019” ilinin açılışı olub
Ankara şəhərində, prezident administrasiyasının Simfonik Orkestrinin konsert salonunda Türkiyənin görkəmli el sənətkarı Aşıq Veysələ həsr olunmuş “Aşıq Veysəl-2019” ilinin açılış mərasimi keçirilib. Mərasim çərçivəsində “Rənglərdəki işıq - Aşıq Veysəl” adlı rəsm sərgisinin açılışı olub.
YeniAvropa xəbər verir ki, Türkiyənin Mədəniyyət və Turizm Nazirliyinin, Beynəlxalq Türk Mədəniyyəti Təşkilatının (TÜRKSOY) və "TRT Avaz"ın birgə təşkilatçılığı ilə keçirilən mərasimdə rəsmi şəxslər, türk dünyasının tanınmış simaları, elm və mədəniyyət xadimləri, ictimaiyyətin nümayəndələri iştirak ediblər.
Rəsmi hissədə çıxış edən TÜRKSOY-un baş katibi Düsen Kaseinov Aşıq Veysəlin zəngin və mənalı həyat yolundan danışıb. Baş katib əminliklə bildirib ki, 2019-cu ildə təşkil olunacaq tədbirlər çərçivəsində Aşıq Veysəl şəxsiyyəti türk dünyasına daha geniş tanıtdırılacaq.
Açılış mərasimi zəngin bədii proqramla davam edib. Azərbaycan da daxil olmaqla türk dünyasını təmsil edən ayrı-ayrı ölkələrdən gələn musiqi qruplarının rəngarəng çıxışları olub. O cümlədən konsertdə türk dünyasını təmsil edən, eləcə də azərbaycanlı bəstəkarlar tərəfindən Aşıq Veysəl ili münasibətilə türkiyəli el sənətkarının şeirlərinə bəstələnmiş mahnılar ilk dəfə səsləndirilib.
Konsertdə, həmçinin Azərbaycanın xalq artisti Elnarə Kərimovanın dirijorluğu ilə TRT Ankara radiosunun kamera xorunun və Abdulla Qurbaninin dirijorluğu və bədii rəhbərliyi ilə Türkiyə Mədəniyyət və Turizm Nazirliyinin Ankara türk dünyası musiqi qrupunun ifaları olub.
Qeyd edək ki, TÜRKSOY-a üzv ölkələrin Mədəniyyət Nazirləri Daimi Şurasının Kastamonuda keçirilən 36-cı iclasında Oş şəhəri “2019-cu ildə türk dünyasının mədəniyyət paytaxtı” seçilib və 2019-cu il anadan olmasının 650-ci ildönümü ilə əlaqədar böyük Azərbaycan şairi İmadəddin Nəsimi və anadan olmasının 125-ci ildönümü münasibətilə Aşıq Veysəl ili elan olunub.
Almaniya Azərbaycanı COP29-da dəstəkləməyə hazırdır
İlham Əliyev Almaniyaya işgüzar səfərə gəlib
Milli Məclisin sədri Monteneqroya rəsmi səfərə gedib
Xocalının Malıbəyli kəndində aşkarlanmış insan qalıqlarının sayı 8-ə çatıb
Prezidentinin Administrasiyasının may ayında vətəndaşların qəbulu CƏDVƏLİ
Azərbaycan-Ermənistan sərhəddə artıq 20 sərhəd dirəyi quraşdırılıb
Cüdoçumuz Avropa çempionatında gümüş medal qazanıb
"Bakcell" ilə innovasiya dövrü başlayır
Azərbaycan-Macarıstan enerji əməkdaşlığı müzakirə edilib
Milli Məclis Avropa Parlamentinin qətnaməsinə münasibət bildirib
Sadır Japarovun Azərbaycana rəsmi səfəri başa çatdı
Gələn həftə ibtidai siniflərdə əlavə yaz tətili başlanır
Azərbaycan-Qazaxıstan hərbi əməkdaşlığı müzakirə edilib
İlham Əliyevlə Sadır Japarov Ağdamda Şahbulaq qalasında olub
Bakıda dünya qastroenteroloqlarının konqresi işə başlayıb
Azərbaycan və Qırğızıstan prezidentləri Ağdam Konfrans Mərkəzində olublar
Macarıstan Qarabağın minalardan təmizlənməsinə dəstək verməyə hazırdır
Sabah Bakıda 29° isti olacaq
Baş Prokurorluqdan Nəsib Quliyevin intiharı ilə bağlı açıqlama
İlham Əliyevlə Sadır Japarov Ağdam Cümə məscidinin açılışında iştirak edib
Bakıda Türk dövlətləri parlamentlərinin komitə sədrlərinin iclası keçirilir
Macarıstan şirkətlərinin Qarabağın bərpasında iştirak edəcək
Azərbaycan və Qırğızıstan prezidentləri Ağdama səfər edib
Macarıstanın xarici işlər naziri Azərbaycana səfərə gəlib
“Qarabağ”la “Zirə” Azərbaycan Kubokunun finalına qarşılaşacaq