Azərbaycanda Türkiyə prezidenti seçkilərinin ikinci turunun səsverməsi başa çatıb
Türkiyənin Bakıdakı səfirliyi ilə Naxçıvan və Gəncədəki baş konsulluqlarında prezident seçkilərinin ikinci turu üçün 3 gün davam edən səsvermə prosesi saat ötən gün 22:00-da başa çatdıqdan sonra qutular bağlanıb.
YeniAvropa Türkiyə KİV-nə istinadla xəbər verir ki, müvafiq seçki bülletenləri və zərflər seçki qutularına qoyulub və seçki qutusu komissiyalarının üzvlərinin və onların müşahidəçilərinin nəzarəti altında möhürlənib.
Səsvermə torbaları da diplomatik çantalara qoyularaq səfirlikdə saxlanılıb. Çantalar diplomatik kuryer vasitəsilə Türkiyəyə aparılacaq. Türkiyəli seçicilər Bakıda 9, Gəncədə 3, Naxçıvanda 3 olmaqla ümumilikdə 15 seçki qutusunda səs verib.
Azərbaycanda 11 043 nəfər, Bakı səfirliyində 7 417, Gəncə konsulluğunda 2 277, Naxçıvan konsulluğunda isə 1 349 seçici qeydiyyatdadır.
Xatırladaq ki, Yüksək Seçim Kurumunun məlumatına görə, I turda Azərbaycan yaşayan və işləyən Turkiyə vətəndaşlarının 49%-i müxalifət lideri Kamal Kılıcdaroğluna, 42 %-i isə Rəcəb Tayyib Ərdoğana səs vermişdi.
980
980
