logo

Nəqliyyat sahəsində Azərbaycan-Polşa əməkdaşlığı müzakirə olunub

20:52 25-07-2022 | icon 728
Nəqliyyat sahəsində Azərbaycan-Polşa əməkdaşlığı müzakirə olunub

Rəqəmsal inkişaf və nəqliyyat nazirinin müavini Rəhman Hümmətov ölkəmizdə səfərdə olan Polşanın infrastruktur nazirinin müavini Marek Grobarczyukun başçılıq etdiyi nümayəndə heyəti ilə görüşüb.

Nazirlikdən YeniAvropa-ya bildirilib ki, görüşdə iki ölkə arasında nəqliyyat, o cümlədən dəmir yolu və dəniz nəqliyyatı sahəsində əməkdaşlıq imkanları müzakirə olunub.

Həmçinin Azərbaycanla Polşa arasında nəqliyyat və logistika üzrə işçi qrupun bu ilin sentyabr ayında Bakı şəhərində keçirilməsi nəzərdə tutulan ikinci iclası barədə fikir mübadiləsi aparılıb.

Bundan əlavə, görüş zamanı “Bakı Beynəlxalq Dəniz Ticarət Limanı” QSC ilə Qdansk Limanı arasında əməkdaşlıq haqqında Niyyət Məktubu imzalanıb.