logo

Zəngilanın Ağalı kəndinə köçən qadın nədən öldü?

16:56 25-07-2022 | icon 784
Zəngilanın Ağalı kəndinə köçən qadın nədən öldü?

Zəngilanın işğaldan azad olunmuş Ağalı kəndinə köçən 57 yaşlı Kübarə Sultanova ölməsi barədə xəbər sosial şəbəkələrdə geniş müzakirə edilməkdədir. 

YeniAvropa xəbər verir ki, mərhumun oğlu Valeh İsmayılov anasının gah sevincdən ürəyinin partladığı, gah da həkimin gec gəlməsi nəticəsində dünyasını dəyişdiyi iddialarına cavab verərkən bildirib ki, anası uzun sürən xəstəlik səbəbindən ölüb. 

“Anam birinci qrup əlil və yataq xəstəsi idi. Köçürülmə ərəfəsində bizə tibbi müayinədən keçmək üçün zəng etmişdilər, amma mən anamı aparmaqdan imtina etdim.

Sonra iyulun 21-i Ağalıya köçdük. İki gün vəziyyəti yaxşı idi. Kəndinə qayıtdığına görə sevinirdi. Növbəti gün temperaturu yüksəldi, vəziyyəti pisləşdi. Ağalı kəndində fəaliyyət göstərən tibb məntəqəsindən həkim çağırdıq, gəlib müayinə etdilər. Nə qədər iynə dərman edildisə də, anamın həyatını xilas etmək mümkün olmadı”.

Ətraflı "BakıTV"nin süjetində :