logo

“Azərişıq”ın vəzifəli şəxslərinə rüşvət almaya görə cinayət işi açılıb 

09:47 22-06-2022 | icon 518
“Azərişıq”ın vəzifəli şəxslərinə rüşvət almaya görə cinayət işi açılıb 

“Azərişıq” ASC-nin Mingəçevir Mərkəzi “Aran” Regional Enerji Təchizatı və Satışı İdarəsinin sabiq əməkdaşları Rəsul Abuşov və Rəfael Rəhimovun vətəndaşdan pul tələb edib almaları faktı ilə bağlı Cinayət Məcəlləsinin müvafiq maddələri ilə başlanmış cinayət işinin istintaqı yekunlaşdırılıb.

Yevlax rayon Prokurorluğundan YeniAvropa-ya daxil olan məlumatda qeyd edilir ki, aparılmış istintaqla Rəsul Abuşov və Rəfael Rəhimov tərəfindən tamah məqsədilə öz qulluq səlahiyyətlərindən istifadə etməklə rayon sakininin fərdi yaşayış evinə baxış keçirilərkən sayğacdankənar işıq xəttinə qoşulma müəyyən edilsə də, bununla bağlı akt tərtib olunmaması müqabilində vətəndaşdan rüşvət almalarına əsaslı şübhələr müəyyənləşdirilib.

R.Abuşov və R.Rəhimova Cinayət Məcəlləsinin 308.1-ci (vəzifə səlahiyyətlərindən sui-istifadə) və 311.3.1-ci (qabaqcadan əlbir olan bir qrup şəxs tərəfindən rüşvət alma) maddələri ilə ittiham elan edilib.

Hazırda cinayət işi baxılması üçün Şəki Ağır Cinayətlər Məhkəməsinə göndərilmişdir.