"Dövlət subsidiyalarından asıllı olan və nəticə etibarilə yerli icmalarla təmas qura bilməyən, iqtisadiyyat üçün ağır yük olan iri şirkətlərin əhəmiyyətinə inanmırıq".
YeniAvropa xəbər verir ki, bu fikri Almaniyanın Azərbaycandakı səfiri Volfang Manig Bakıda Almaniya-Azərbaycan Ticarət Palatasının təşkilatçılığı ilə keçirilən və su infrastrukturunun davamlı inkişafına həsr edilmiş “Davamlılıq Forumu 2021” tədbirində səsləndirib.
Diplomat çıxışında bazar iqtisadiyyatına inandığını vurğulayıb.
“Almaniyada ixtisaslaşmış şirkətlər öz sahələri üzrə fəaliyyət göstərməklə dünya öndərlərinə çevrilib. İnnovasiyaları təmin etmək üçün vəsait ayırmaq lazımdır. Almaniya şirkətlərini inandırmaq çətindir. Onlar deyirlər ki, struktur şəffaf olmalıdır, Ona görə Azərbaycandan olan tərəfdaşlara o cümlədən “Azərsu” ASC-yə səslənərək demək istəyirəm ki, gəlin səylərimizi birləşdirməklə şəffaf və təmiz içməli su təminatına nail olaq”, - deyə səfir vurğulayıb.
2163
2163
