logo

İran Xəzərndə süni ada yaradaraq əyləncə mərkəzi inşa edəcək

12:30 30-03-2021 | icon 350
İran Xəzərndə süni ada yaradaraq əyləncə mərkəzi inşa edəcək

İran Xəzər dənizində süni ada yaradaraq, orada istirahət və əyləncə mərkəzi inşa etmək niyyətindədir.

YeniAvropa yerli mətbuata istinadla xəbər verir  ki, bunu Xəzərin sahilində yerləşən Nouşəhr şəhərinin meri Əli Amani söyləyib.

O bildirib ki, sahildən 1 kilometr aralıda yaradılacaq adanın ərazisi 18 hektar olacaq. Süni adada 300 kater tutumu olan liman, 5 ulduzlu otel, restoranlar, idman kompleksi, hovuz, helikopter meydançası tikiləcək. Süni adanı sahillə geniş yol birləşdirəcək.

Ə. Amani diqqətə çatdırıb ki, adanın layihələndirilməsi işlərinə İranın turizm təşkilatı da cəlb edilib. Çünki bu layihənin həyata keçirilməsində məqsəd İranın turizm sektorunu inkişaf etdirməkdən ibarətdir.