logo

Azərbaycan QDİƏT-in toplantısında təmsil olunur

14:59 26-11-2019 | icon 231
Azərbaycan QDİƏT-in toplantısında təmsil olunur

Noyabrın 26-da Türkiyənin İstanbul şəhərində Qara Dəniz İqtisadi Əməkdaşlıq Təşkilatının (QDİƏT) mədəniyyət və turizm sahəsində əməkdaşlıq üzrə işçi qruplarının birgə toplantısı öz işinə başlayıb.

YeniAvropa xəbər verir  ki,toplantıda Dövlət Turizm Agentliyinin də təmsil olunduğu Azərbaycan nümayəndə heyəti ilə birgə 11 üzv ölkənin mədəniyyət və turizm nazirliklərinin nümayəndələri iştirak edirlər.

Birgə toplantıya Qara Dəniz İqtisadi Əməkdaşlıq Təşkilatının baş katibi Maykl Kristides və Avropa Şurasının mədəni marşrutlarına dair genişləndirilmiş çərçivə sazişinin icra katibi Stefano Dominioni də qatılıblar.

Tədbir çərçivəsində “Böyük İpək Yolu”nda vahid turizm marşrutu, şərabçılıq turizmi, BMT-nin Dünya Turizm Təşkilatı ilə əməkdaşlıq, beynəlxalq film festivallarında iştirak, QDİƏT üzv ölkələrində turizm tədbirləri və yarmarkaları, təşkilata üzv dövlətlərin UNESKO-nun qeyri-maddi mədəni irs siyahısına daxilolma və namizədlik siyahısı kimi məsələlər müzakirə edilir.