Qusar şəhərində baş verən yol nəqliyyat hadisəsi nəticəsində 1 nəfər ölüb, 2 nəfər ağır yaralanıb.
YeniAvropa xəbər verir ki, yanvarın 21-i axşam saatlarında Qusar rayonunun İmamqulukənd kənd sakinləri Elşad Aslanxanovun və Azad Şıxqayıbovun idarə etdikləri “Hyundai” və “VAZ-21154” markalı avtomobillər toqquşub.
Toqquşmadan sonra idarəetməni itirən E.Aslanxanov avtomobillə yaxınlıqda olan şəhər sakinləri Samir Salmanov, İdris Seyfullayev və Kamran Sədiyevi vurub.
Nəticədə S.Salmanov hadisə yerində ölüb. Digər 2 piyada isə Qusar Rayon Mərkəzi Xəstəxanasına çatdırılıb.
Tibb müəssisəsindən bildirilib ki, yaralıların hər ikisi reanimasiya şöbəsinə yerləşdirilib.
Faktla bağlı araşdırma aparılır.
3892
3892
