Dekabrın 9-da “Qarabağ” klubu UEFA Konfrans Liqasının qrup mərhələsində sonuncu oyununu keçirəcək.
YeniAvropa xəbər verir ki, Qurban Qurbanovun baş məşqçi olduğu kollektiv H qrupundakı altıncı sınağında İsveçrənin “Bazel” klubunun qonağı olacaq. “Sent Yakob-Park” stadionunda oynanılacaq oyun Bakı vaxtı ilə saat 00:00-da başlayacaq.
Görüşü xorvatiyalı FIFA referisi Fran Yoviç idarə edəcək.
Qrupdan çıxması dəqiqləşmiş hər iki kollektiv səkkizdəbir finala birbaşa vəsiqə uğrunda mübarizə aparacaq. Ağdam təmsilçisi qrupu ilk pillədə bitirmək üçün səfərdə mütləq qalib gəlməlidir. Meydan sahiblərini isə heç-heçə də qane edəcək.
“Qarabağ”ın heyətində Bədavi Hüseynov, Xayme Romero və Qaspar Panadero zədə səbəbindən oynamayacaq. Zədəsini yenicə sağaltmış Kevin Medinanın meydana çıxması sual altındadır. “Bazel”in heyətində yeganə itki isə sol cinah müdafiəçisi Andrea Padulanın zədəli olmasıdır.
Bu oyun “köhlən atlar” üçün avrokuboklarda yubiley matçı olacaq. Komanda beynəlxalq arenada 140-cı görüşünə çıxacaq.
Qeyd edək ki, bu komandalar arasında Bakıdakı görüş qolsuz heç-heçə ilə başa çatıb.
Qrupun digər oyununda Kiprin “Omoniya” komandası Qazaxıstanın “Kayrat” komandasını qəbul edəcək.
2709
2709
