BƏƏ səfirliyi "DUBAI EXPO 2020" ziyarətçiləri üçün ən son məlumatları açıqladı

Ötən il pandemiya səbəbindən təxirə salınan və bu il oktyabrın 1-dən başlayaraq 2022-ci il  martın 31-dək davam edəcək  "Dubai Expo 2020" ilə bağlı ən son məlumatlar açıqlanıb. 

Birləşmiş Ərəb Əmirliklərinin(BƏƏ) Azərbaycandakı səfirliyindən YeniAvropa-ya daxil olan məlumatda bildirilib ki, sərginin rəsmi açılışı ilə bağlı son hazırlıq işlərinə başlanılıb. 

 "Dubai Expo 2020", bir məkanda bütün dünyadır - insanları, icmaları və millətləri bir araya gətirərək körpülər qurmağa, hərəkətə ruhlandırmağa və real həyat çətinliklərinə real həyat həlləri təqdim etməyə həsr olunmuş qlobal bir təcrübədir. "Dubai Expo 2020", BƏƏ-nin Qızıl Yubiley ilində gələcəyin şəhərində təşkil edilən Yaxın Şərq, Afrika və Cənubi Asiya regionunda keçiriləcək ilk Dünya Sərgisidir.

Media nümayəndələri "Expo 2020"də iştirak etmək və ya sərgini məsafədən əhatə etmək(mediada işıqlandırmaq) üçün müvafiq akkreditasiyadan keçməlidirlər. Bunun üçün Tawassul media məlumat sistemində qeydiyyatdan keçmək lazımdır: https://media.expo2020dubai.com/join-us?screenName=gLoginScreen&returnUrl=%2F

Sərgi barədə ən son məzmunlu kontenti əldə etmək və media akkreditasiyası üçün aşağıdakı linkdən istifadə etmək olar: https://media.expo2020dubai.com/join-us?screenName=gLoginScreen&returnUrl=%2Fen%2Fmedia-centre%2Fexpression-of-interest

Məlumatda bildirilir ki, 6 ay ərzində "Dubai Expo 2020", minlərlə ailəvi tədbirlər, heyrətamiz kəşfetmə təcrübələri və 18 yaşadək uşaqlar üçün ödənişsiz girişlə ziyarət edilməli olan bir ailə məkanı olacaq.

Expo 2020, Dubay şəhərinin cənubunda, Al Maktoum Beynəlxalq Hava Limanının yaxınlığında yerləşir.  Sərgi mərkəzinə Dubay və Abu Dabinin beynəlxalq hava limanlarından və kruiz terminallarından asanlıqla çatmaq mümkündür.

Qeyd edilir ki, "Dubay Expo 2020" sərgisinin biletləri artıq satışdadır:
-Mövsüm biletləri (AED 495/ ABŞ dolları 135 - Mastercard debet və kredit kartı sahiblərinə 25 % endirim verilir) Expo 2020 -nin bütün altı ayı ərzində limitsiz giriş təklif edir.
-Ailə Paketinə (AED 950/ABŞ dolları 258) iki valideyn və üstəlik dayə üçün mövsüm bileti daxildir; qida və içkilərdə endirimlər; beş əlavə Çox Günlük Kartlara 25 % endirim; və 125 AED dəyərində bir fotoşəkil vouçer
-Çox Günlük Kartlar (AED 195/ABŞ dolları 53) sahiblərinə ardıcıl 30 gün ərzində məhdudiyyətsiz giriş imkanı verir
-1 günlük biletlər (AED 95/ ABŞ dolları 26)
-18 yaşadək uşaqlar, 60 və yuxarı yaşı olan ziyarətçilər və dünyanın hər hansı bir akademik müəssisəsindən etibarlı tələbə kimliyi olan tələbələrə ödənişsiz giriş veriləcək. Fiziki özəlliyi olan insanlar üçün ödənişsiz biletlər də mövcud olacaq, onları müşayiət edənlə birlikdə 50 % endirim olacaq

Expo Proqramları:

- Expo Live, Expo-nun qlobal innovasiya və tərəfdaşlıq proqramı, 76 ölkədən 140 layihəni dəstəkləyir, hər biri çətin problemlərə innovativ həll yolları təklif edir, insanların həyatını yaxşılaşdırmağa və ya planetin qorunmasına kömək edir.
- Qlobal Ən Yaxşı Proqramı bütün dünyada genişləndirmək öhdəliyi ilə bəzi ən böyük problemlərə təsirli və davamlı həllər verən 50 layihəyə diqqət yetirir.
- Expo Təhsil Proqramı, orta məktəblərdən, BƏƏ və beynəlxalq universitetlərdən olan tələbələri həmyaşıdları, sənaye liderləri və qlobal mütəxəssislərlə əlaqə quraraq xüsusi seçilmiş turlara qatılmağa, praktiki bacarıqlara yiyələnməyə və gələcək karyeralarını formalaşdırmağa dəvət edir.
- Expo Məktəb Proqramı BƏƏ məktəbləri və müəllimləri ilə qarşılıqlı birgə fəaliyyətdə olaraq gənc nəsli ruhlandırır. Expo 2020 zamanı tələbələrə dörd fərdi–sifarişli məktəb turu çərçivəsində unikal öyrənmə təcrübəsi təklif edəcək
- BƏƏ rezidentlərinin və fərqli millətlərdən olan ekspatların müxtəlif və inklüziv qarışığı olan 30.000 Expo 2020 Könüllüsü, BƏƏ -nin inklüziv və qonaqpərvər ruhunu əks etdirən "Expo 2020 Dubai -nin üzü" olacaq.
- Exponun Dünya Məclisi qlobal düşüncə liderlərini ənənəvi Əmirlik məclisinə uyğun olaraq vacib söhbətlər üçün bir araya gətirəcək

COVID tədbirləri

Tədbirlərə məcburi maska taxmaq, əlləri dezinfeksiya edən məntəqələr və sosial məsafəni təmin etmək məhdudiyyətlər daxildir. Biletlərin əvvəlcədən sifariş edilməsi ciddi şəkildə təşviq edilir və ziyarətçilərdən pavilyon yerlərini sifariş etmək üçün Expo-nun Smart Queue sistemindən istifadə etmələri tövsiyə olunur.
Bütün Expo və Beynəlxalq İştirakçılar, könüllülər, podratçılar və xidmət təminatçıları aşılanmalıdır.
Vəziyyətin inkişafından asılı olaraq, Expo bu tədbirləri lazımi şəkildə izləməyə və tənzimləməyə davam edəcək.