Bakıda “Qarabağ” və Şotlandiyanın “Aberdin” komandaları arasında UEFA Konfrans Liqasının pley-off mərhələsinin ilk oyunu başlayıb.
YeniAvropa xəbər verir ki, saat 20:00-da Tofiq Bəhramov adına Respublika stadionunda start götürən matç Sloveniyadan olan hakimlər briqadasına tapşırılıb. Baş hakim Rade Obrenoviçdir. Ona Yure Praprotnik və Aleksandar Kasapoviç kömək edirlər. Dördüncü hakim funksiyasını Asmir Saqrkoviç yerinə yetirir.
“Qarabağ”ın heyətində Şahruddin Məhəmmədəliyev, Kevin Medina, Maksim Medvedev, Abbas Hüseynov, Toral Bayramov, Qara Qarayev, Patrik Andrade, Abdullah Zubir, Kadi Borqes, Xayme Romero və Ramil Şeydayev meydana çıxıblar.
“Aberdin” klubunun heyətində isə Co Lyuis, Ross Makkrori, Cek Makkenzi, Endryu Konsidin, Deklan Qallaher, Skott Braun, Funso Ojo, Luis Ferqyuson, Cey Emmanuel-Tomas, Kelvin Remsi və Kristian Ramirez yer alıb.
Ağdam təmsilçisinin heyətində Bədavi Hüseynov, Rahil Məmmədov və Elvin Cəfərquliyev zədəlidirlər. Qonaqlarda isə uelsli hücumçu Rayan Heces dizindəki zədəyə görə heyətdən çıxarılıb.
2394
2394
