Avrokuboklarda üçüncü təsnifat mərhələsinin cavab görüşlərindən sonra UEFA-nın yeni reytinq siyahısı açıqlanıb.
YeniAvropa xəbər verir ki, bu həftə Azərbaycanın aktivinə cəmi 0,250 xal yazılıb.
Həmin xalı ölkəmizə “Qarabağ” Avropa Konfrans Liqasının üçüncü təsnifat mərhələsindəki cavab görüşündə Kiprin "AEL" komandası üzərində 1:0 hesablı qələbə sayəsində qazandırıb.
Bununla da cari mövsümdə Azərbaycanın xal sayı 1,500-ə çatıb.
Son 5 mövsümdə ümumi xal sayı 14,125 olan Azərbaycan hazırda 30-cu pillədə qərarlaşıb.
Polşa 14.250 xalla 29-cu, Slovakiya 14.000 xalla 31-ci pillədədir.
2905
2905
