"Tokio-2020" Yay Olimpiya Oyunlarında çıxış edən polşalı qadın atlet Anita Vlodarçik qızıl medal qazanıb.
YeniAvropa xəbər verir ki, çəkicatma növündə yarışan 36 yaşlı idmançı 78,48 metr nəticə ilə bütün rəqiblərini geridə qoyub.
O, ardıcıl üçüncü dəfə olimpiadada qızıl medala sahib çıxıb.
"London-2012" və "Rio-2016"da da fəxri kürsünün ən yüksək pilləsinə qalxan A.Vlodarçik həm də 3 qat dünya və 4 qat Avropa çempionudur.
Qeyd edək ki, bu növdə Azərbaycanı təmsil edən Anna Skidan təsnifat mərhələsində 67,93 metr nəticə göstərib və finala vəsiqə qazana bilməyib.
2450
2450
