Tokio-2020: Azərbaycanın 44 idmançısından 28-sı mübarizəni dayandırıb-2 bürünc medalımız var

"Tokio-2020" Yay Olimpiya Oyunlarında bu gün Azərbaycanın daha 3 idmançısı mübarizəyə qoşulub.

 YeniAvropa xəbər verir ki, güllə atıcısı Ruslan Lunyov tapançadan 25 metr məsafəyə atəşaçma yarışınınikinci təsnifat mərhələsində 286 xal toplayıb. Təmsilçimiz ilk yarışda 281 xal qazanmışdı. Yekunda 567 xal toplayan Lunyov finala yüksəlmək şansını itirib.

77 kq çəkidə çıxış edən Azərbaycanın yunan-Roma güləşçisi Rafiq Hüseynov da aa "Tokio-2020" Yay Olimpiya Oyunlarında mübarizəni dayandırıb. O, 1/4 finalda  Akjol Mahmudova (Qırğızıstan) uduzub.

Qeyd edək ki, güləşçimiz ilk görüşündə dünya çempionatının gümüş və Avropa birinciliyinin bürünc mükafatçısı olan isveçli Aleks Kessidisə qalib gəlmişdi.

Beləliklə, olimpiadada mübarizəni dayandıran Azərbaycan idmançılarının sayı 28-ə çatıb. Onlardan yalnız ikisi Azərbaycan komandasının hesabına medal yazdıra bilib. 

Medal qazananlar

Cüdo: İrina Kindzerska (+78 kq) (bürünc)

Boks: Alfonso Dominges (81 kq) (bürünc)

Medal qazana bilməyənlər

Cüdo: Aişə Qurbanlı (48 kq), Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq), Məmmədəli Mehdiyev (90 kq), Zelim Kotsoyev (100 kq), Uşangi Kokauri (+100 kq) 

Boks: Tayfur Əliyev (57 kq), Cavid Çələbiyev (63 kq), Lorenso Sotomayor (69 kq), Məhəmməd Abdullayev (+91 kq)

Taekvondo: Milad Beigi Hərçəqani (80 kq), Fəridə Əzizova (67 kq)

İdman gimnastikası: İvan Tixonov, Marina Nekrasova

Üzgüçülük: Maksim Şemberev, Məryəm Şeyxəlizadə Xangah

Güllə atıcılığı: Emin Cəfərov

Triatlon: Rostislav Pevtsov

Qılıncoynatma: Anna Başta

Badminton: Edi Reski Dviçayo

Velosiped idmanı: Elçin Əsədov

Çəkicatma: Anna Skidan

Güllə atma : Ruslan Lunyov

yunan-Roma güləşi: Rafiq Hüseynov 

Xatırladaq ki, Azərbaycan "Tokio-2020" Yay Olimpiya Oyunlarında 44 idmançı ilə təmsil olunur.

Bu gün daha bir idmançımız - qadın güləşçisi Elis Manolova (68 kq) xalça üzərinə çıxacaq. E.Manolova ilk mərhələdə nigeriyalı Blessinq Oborududu ilə qarşılaşacaq. O, dörddəbir finala yüksələrsə Meerim Jumanazarova (Qırğızıstan) - Mimi Xristova (Bolqarıstan) görüşünün qalibi ilə görüşəcək.

Avqustun 8-dək davam edəcək yarışlarda daha 15 idmançımız yarışacaq.