Yunanıstanın "Olimpiakos" klubunun baş məşqçisi Pedro Martins gələn həftə Bakıya səfər edəcək.
YeniAvropa yerli mətbuata istinadla xəbər verir ki,portuqaliyalı mütəxəssis "Neftçi" və Gürcüstanın "Dinamo" (Tbilisi) klubları arasında UEFA Çempionlar Liqasının I təsnifat mərhələsinin cavab oyununu izləmək üçün Azərbaycan paytaxtına təşrif buyuracaq.
Bu cütün qalibi II təsnifat turunda raundda "Olimpiakos"un rəqibi olacaq.
Qeyd edək ki, Tbilisidəki ilk görüşdə "Neftçi" 2:1 hesablı qələbə qazanıb. Pedro Martins həmin görüşü də tribunadan canlı izləyib.
Bu cütün cavab qarşılaşması iyulun 14-də "Bakcell Arena"da olacaq.
Xatırladaq ki, "Olimpiakos" Yunanıstanın ən titullu futbol klublarından biridir. 1925-ci ildə yaradılan "Olimpiakos" 46 dəfə ölkə çempionu, 22 dəfə ölkə kubokunun sahibi olub. 43 dəfə Avropa kuboklarında iştirak edib.
3668
3668
