Şimali Makedoniyanın paytaxtı Skopyedə keçirilən 23 yaşadək güləşçilər arasında Avropa çempionatında Azərbaycanın yunan-Roma güləşçisi Zaur Əliyev qızıl medal qazanıb.
YeniAvropa xəbər verir ki, 55 kq çəki dərəcəsində mübarizə aparan idmançımız finalda Adem Burak Uzuna (Türkiyə) qalib gəlib. Təmsilçimiz 3:3 hesabı ilə bitən görüşdə sonuncu xal prinsipinə əsasən çempion elan edilib.
Nəticədə Avropa çempionatında yığmamızın qazandığı medalların sayı 8-ə çatıb.Belə ki, Zaur Əliyevədək sərbəst güləşçilərimizdən Cəbrayıl Hacıyev (70 kq) qızıl, Əliabbas Rzazadə (57 kq), Orxan Abasov (86 kq) və Osman Nurməhəmmədov (92 kq) gümüş, Zirəddin Bayramov (65 kq), İslam İlyasov (97 kq) və Vahid Qalayev (125 kq) bürünc medal qazanıb.
Yunan-Roma güləşçilərimizdən Həsrət Cəfərov (67 kq) isə sabah 3-cü yer uğrunda yarışacaq.
3255
3255
