Azərbaycanı öz meydanımız kimi görürük-Şenol Güneş

16:11 15-05-2021 | 3556

"Azərbaycan bizim üçün önəmlidir. Azərbaycanı öz meydanımız kimi görürük".

YeniAvropa xəbər verir ki, bunu Türkiyə millisinin baş məşqçisi Şenol Güneş Bakıda keçirəcəkləri "EURO-2020"nin qrup oyunları barədə danışarkən deyib.

69 yaşlı mütəxəssis 2019-cu ilin dekabrında Azərbaycan paytaxtına etdiyi səfəri zamanı məşq üçün stadionları axtararkən, isti münasibət gördüyünü xatırladıb: "Oyunlara nə qədər tamaşaçının gələcəyini bilmirəm, amma bu baxımdan üstünlüyümüzün olacağını düşünürəm. Türkiyə - Azərbaycan əlaqələri son dönəmdə daha da yüksək səviyyəyə qalxıb. Meydanda bizi dəstəkləyən o azarkeşlərə yaxşı oyunla gözəl nəticələr verməyimizin gərəkliyini düşünürəm".

Qeyd edək ki, Şenol Günəş ötən gün Türkiyə milli komandasına cəlb ediləcək 30 futbolçunun adını açıqlayıb.

Türkiyə milli komandasının heyəti belədir:

Qapıçılar: Mert Günok (Başakşəhər), Uğurcan Çakır (Trabzonspor), Altay Bayındır (Fənərbağça), Gökhan Akkan (Rizəspor).
Müdafiəçilər: Rıdvan Yılmaz (Beşiktaş), Mert Müldür (Sassuolo/İtaliya), Kaan Ayhan (Sassuolo/İtaliya), Zeki Çelik (Lill/Fransa), Merih Demiral (Yuventus/İtaliya), Ozan Kabak (Liverpul/İngiltərə), Çağlar Söyüncü (Lester/İngiltərə), Umut Meraş (Le Havr/Fransa).
Yarımmüdafiəçilər: Taylan Antalyalı (Qalatasaray), Mahmut Tekdemir (Başakşəhər), Dorukhan Toköz (Beşiktaş), Ozan Tufan (Fənərbağça), Okay Yokuşlu (Vest Bromviç/İngiltərə), Orkun Kökçü (Feyenoord/Niderland), Yusuf Yazıcı (Lill/Fransa), İrfan Can Kahveci (Fənərbağça), Hakan Çalhanoğlu (Milan/İtaliya)ş
Hücumçular: Halil İbrahim Dervişoğlu (Qalatasaray), Kerem Aktürkoğlu (Qalatasaray), Efecan Karaca (Alanyaspor), Halil Akbunar (Göztəpə), Abdülkadir Ömür (Trabzonspor), Cengiz Ünder (Lester/İngiltərə), Burak Yılmaz (Lill/Fransa), Enes Ünal (Xetafe/İspaniya), Kenan Karaman (Fortuna/Almaniya)

Xatırladaq ki, ötən ildən təxirə salınan "EURO-2020"nin final mərhələsinin oyunları bu il iyunun 11-dən iyulun 11-dək keçiriləcək. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.