Polşanın paytaxtı Varşavada güləş üzrə Avropa çempionatı davam edir.
YeniAvropa xəbər verir ki, yunan-Roma güləşçimiz Eldəniz Əzizli (55 kq) qitə birinciliyinə inamlı qələbə ilə start verib. Dünya və Avropa çempionumuz Bolqarıstan güləşçisi Nedyalko Petrovu elə ilk hissədə məğlubiyyətə uğradıb. Dörddəbir finala yüksələn güləşçimiz gürcüstanlı Nuqzari Tsurtsumiadan da üstün olub. Yarımfinalda idmançımız Rusiya təmsilçisi Emin Seferşaevə məğlub olub. Bürünc medal uğrunda xalça üzərinə çıxan güləşçimiz Fabian Şmittdən (Almaniya) üstüb olub və qitə birinciliyini üçüncü pillədə başa vurub.
Digər güləşçimiz Taleh Məmmədov (63 kq) qitə birinciliyinin finalında rusiyalı Cambolat Lokyayevə uduzaraq gümüş medalla kifayətlənib.
Qeyd edək ki, Avropa çempionatında sərbəst güləşçilərimizdən Turan Bayramov (70 kq) gümüş, Əfqan Xaşalov (57 kq), Əli Rəhimzadə (65 kq) və Osman Nurməhəmmədov (92 kq) bürünc medala sahib olublar. Qadın güləşçimiz Mariya Stadnik (50 kq) isə səkkizqat Avropa çempionu adını qazanıb.
4445
4445
