UEFA aprelin 23-də futbol üzrə Avropa çempionatına ev sahibliyi edəcək şəhərlərin yekun siyahısını təsdiqləyəcək.
YeniAvropa “France-Press” agentliyinə istinadla xəbər verir ki, bunu UEFA prezidenti Aleksander Çeferin bildirib.
O, son qərarın həftənin beşinci günü, ev sahibliyindən kənarlaşdırılmaq ehtimalı olan 3 şəhərlə məsləhətləşmədən sonra veriləcəyini vurğulayıb.
Xatırladaq ki, bir müddət əvvəl Almaniyanın “Sportschau” nəşri qitə birinciliyinin ev sahibliyi 12 şəhərə(Sankt-Peterburq, London, Münxen, Bakı, Roma, Buxarest, Dublin, Kopenhagen, Bilbao, Qlazqo, Budapeşt və Ansterdama) verilməsinə baxmayaraq, koronavirus pandemiyasının kəskin yayılması səbəbindən onlardan 5-i proqramdan çıxarılacağı ehtimalını yazmışdı. Həmin şəhərlərin Bakı, Bilbao, Dublin, Qlazqo və Münhen olduğu iddia edilirdi.
Qeyd edək ki, "EURO-2020"nin final mərhələsinin oyunları COVID-19 pandemiyası ilə əlaqədar 2021-ci ildə keçirilməsi barədə qərar qəbul edilib.
Oyunların 11 iyun – 11 iyul tarixlərində baş tutacağı planlaşdırılıb.
Final mərhələsinin 4 matçı -qrup mərhələsinin 3, 1/4 finalın isə bir oyunu Bakı Olimpiya Stadionunda keçirilməlidir. Püşkatmaya görə Bakıda A qrupunda yer alan komandalar: Türkiyə, İtaliya, Uels və İsveçrə milli komandalarıı mübarizə aparacaq.
Elşən Balayev
3465
3465
