Voleybol üzrə Azərbaycan çempionatları keçirilməyəcək.
YeniAvropa xəbər verir ki, bu barədə Azərbaycan Voleybol Federasiyasından bildiirilib. Qeyd edilib ki, yarışların keçirilməməsinə səbəb koronavirus pandemiyasıdır.
Buna ölkəmizdə aprelin 1-dək karantin rejiminin tətbiq edilməsi və qapalı məkanlarda idman yarışlarının keçirilməsinə qadağa qoyulması səbəb olub. Odur ki, 2020-2021-ci il mövsümündə kişi və qadınlar arasında ölkə çempionatları, həmçinin 1-ci dəstədəki yarışlar təşkil edilməyəcək.
Xatırladaq ki, koronavirus pandemiyası ötən mövsümün də yarımçıq dayandırılması ilə nəticələnmişdi. 2019-2020-ci il mövsümündə qaliblər elan olunmadan saxlanılıb.
2021-2022-ci il mövsümünün təşkili isə koronavirusla bağlı vəziyyətdən asılı olacaq.
2296
2296
