Yanvarın 25-də Çindən Türkiyəyə daha 6,5 milyon doza vaksin gətirilib.
YeniAvropa yerli mətbuata istinadla xəbər verir ki, bu barədə Türkiyənin səhiyyə naziri Fahrettin Koca məlumat verib.
Peyvəndləri gətirən təyyarə İstanbul hava limanına enib. Ümumilikdə Çindən gətirilməsi nəzərdə tutulan 50 milyon doza vaksin Türkiyədə həyata keçirilən tədarük planına uyğun olaraq vaksinasiya proqramı çərçivəsində hissələrlə çatdırılır. İlkin mərhələdə Çindən Türkiyəyə üç milyon doza vaksin gətirilib.
Qeyd edək ki, Türkiyənin Səhiyyə Nazirliyinin nəzdində fəaliyyət göstərən elmi şura peyvəndin təsir nisbətinin 91,25 faiz olduğunu açıqlayıb.
2100
2100
