Ağdamın “Qarabağ” klubu cari mövsüm üçün növbəti transferini reallaşdırıb.
YeniAvropa klubun rəsmi “Facebook” səhifəsinə istinadla xəbər verir ki, Ağdam klubu kabo-verdeli futbolçu Patrik Andradeni heyətinə qatıb.
Mərkəz yarımmüdafiəçisi ilə müqavilənin detalları açıqlanmayıb.
Qeyd edək ki, ölkəsinin “Sportinq”, “Desportivo”, “Benfika” klublarında oynadıqdan sonra Portuqaliyanın “Ribeyrao” komandasına üz tutan Andrade, 2013-2014-cü il mövsümündə “Joane”də icarə əsasında çıxış edib. 2014-cü ildən 2018-ci ilədək “Moreyrense”də çıxış edən futbolçu həmin illərdə “Famalikao” və “Salqeyros”da icarədə oynayıb. 2018-ci ildən isə o, Bolqarıstanın “Çerno More” komandasında çıxış edib.
4851
4851
