Yüngül atletika üzrə 8 qat olimpiya çempionu Useyn Boltda koronavirus aşkarlanıb.
YeniAvropa xəbər verir ki, bu barədə İngiltərənin "The Sun" qəzeti məlumat yayıb. Qeyd edilib ki, yamaykalı atletdən götürülən "COVİD-19" testinin nəticəsi pozitiv çıxıb. O, dərhal evində karantinə alınıb.
Avqustun 21-də 34 yaşı tamam olan əfsanəvi idmançının virusa ad günü münasibətilə təşkil etdiyi məclisdə yoluxduğu ehtimal olunur. Ziyafətdə İngiltərə millisinin və "Mançester Siti"nin hücumçusu Rahim Sterlinq və Almaniya "Bayer"inin futbolçusu Leon Beyli də iştirak ediblər.
Xatırladaq ki, Useyn Bolt həm də, 100 m məsafəyə qaçmaqda 11 qat dünya çempionudur.
4389
4389
