Bir sıra partiyaların liderləri və fəallarından ibarət Mitinq Komitəsi fevralın 29-da saat 15:00-dan 17:00-dək MSK-nın binası qarşısında etiraz aksiyası keçirmək niyyətilə bağlı Bakı İcra Hakimiyyətinə müraciət edib.
YeniAvropa xəbər verir ki, bu barədə Mitinq Komitəsinin üzvü, "D18" Hərəkatının lideri Ruslan İzzətli məlumat verib. Onun sözlərinə görə aksiyanın keçirilməsi üçün Bakı şəhər İcra Hakimiyyətinə alternativ üçün 8 yer də təklif edilib:
1. Nazim Hikmət və Həsən Zərdabi küçələrinin kəsişməsindəki meydan;
2. 20 Yanvar küçəsi, 2527 ünvandakı məhəllə stadionu (“Moskva” Univermağının yaxınlığında);
3. Nəcəf Nərimanov küçəsi, 55 ünvanında yerləşən “Cıdır” restoranının qarşısındakı meydan;
4. Hüseyn Cavid heykəlinin ətrafındakı park (Yasamal rayonu, Elmlər Akademiyası nın yaxınlığında);
5. Qış parkı (Akademik Dram Teatrının qarşısında)
6. Mərkəzi park (Akademik Dram Teatrından yuxarı);
7. “28 may” metro stansiyasının qarşısındakı meydan (Cəfər Cabbarlının heykəli ətrafında);
8. Yasamal rayon İdman-Sağlamlıq Kompleksinin stadionu (keçmiş “Məhsul” stadionu).
Bildiriş R.İzzətlinin, eləcə də REAL Partiyasının rəhbəri İlqar Məmmədov, Müsavat Partiyası sədrinin müavini Fərəc Kərimli və müstəqil namizəd Fərhad Mehdiyevin adından göndərilib.
2135
2135
