Bu gün səhər saatlarında Ermənistan ordusunun diversiya qrupununu Qazax rayonunun Quşçu Ayrım kəndi istiqamətindəki sərhəd döyüş məntəqəsinə hücum cəhdinin qarşısı alınarkən şəhid olmuş sərhədçi əsgər Vəliyev İbrahim Ələmşah oğlunun nəşin Gəncənin 3 nömrəli xəsətəxanada ekspertiza olunduqdan sonra Zərdaba yola salınıb.
YeniAvropa xəbər verir ki, şəhid əsgər İbrahim Vəliyev Zərdab şəhərində dəfn olunacaq.
Qeyd edək ki, İbrahimin ailəsi Kəlbəcər rayonundan məcburi köçkündürlər. Hazırda onlar Zərdab rayonunda yaşayırlar.
Xatırladaq ki, bu gün Dövlət Sərhəd Xidmətinin mətbuat mərkəzi Ermənistan ordusunun diversiya qrupunun hücumu barədə məlumat yayıb. Məlumatda bildirilib ki, fevralın 24-də saat 07:00 radələrində Ermənistan silahlı qüvvələrinin Noyemberyan rayonunun Koti kəndi yaxınlığında yerləşən bölmələrindən Azərbaycan Respublikasının Qazax rayonunun Quşçu Ayrım kəndi istiqamətindəki sərhəd döyüş məntəqəsinə diversiya cəhdinin qarşısı alınıb. Ciddi itkilər verməyə məcbur olmuş düşmənin bir zabiti ağır yaralanıb, digər hərbi qulluqçusu öldürülüb.
Düşmənin diversiya qrupunun qumbaraatan və digər iriçaplı silahların tətbiqi ilə baş verən təxribatının qarşısı alınarkən sərhədçi əsgər Vəliyev İbrahim Ələmşah oğlu qəhrəmancasına şəhid olub.