Dekabrın 12-də Ukraynanın paytaxtı Kiyev şəhərində GUAM-a üzv ölkələrin hökumət başçılarının görüşü keçiriləcək.
YeniAvropa yerli mətbuata istinadla xəbər verir ki, bu barədə GUAM-ın Milli Əlaqələndiricilər Şurası məlumat yayıb. Görüşdə Azərbaycanı baş nazirin müavini Əli Əhmədovun rəhbərlik etdiyi nümayəndə heyəti təmsil edəcək.
Ukrayna, Gürcüstan və Moldovanın baş nazirlərinin iştirak edəcəyi görüşdə 2020-ci ildə Azərbaycanın quruma sədrliyi dövründə həyata keçiriləcək layihələr, GUAM-ın səmərəliliyinin yüksəldilməsi, təşkilat üzvləri arasında əməkdaşlığın iqtisadi tərəfinin inkişafı müzakirə ediləcək.
Qeyd edək ki, 2020-ci ilin yanvarın 1-dən GUAM-a sədrlik rotasiya qaydasında Azərbaycana keçəcək.
2520
2520
